Lankon rayon Məşğuləti Mərkəzi navkonə direktor Rahib Quliyev inən əlidəyon beğanunə kon anqıl sır prokurori tono de Korrupsiyaya Mubarizə sər İdarədə de Cinayət Məcəllə muvafiğ maddon bino bə cinayət ko istintağ bardə bə.
Bın barədə  sər Prokuratura Mətbuat Xidməti məlumatış doə.

De sıftənə istintaği Rahib Quliyev bın vəzifədə ko kardeədə de Məşğuləti Xıdməti əlidə vəzifəninə odəmon das bə das, bənə bekoə odəmon bə ğeydiyyat sə xonəxon doe ro nəzərədə qətə bə məhsulon hırye ro hiç qılı tender inən kotirovka dənıvonə muvafiq rəsmi sənədon saxta karde ro bo 29 bekoə xonəxo co kardə 145 həzo mənot məbləğədə vəsaitı 46 həzo mənot israf kardeədə şəkkin zınə bedə.

Rahib Quliyevə Cinayət Məcəllə 179.2.1 (dələmurt ya israf karde- navədə das bə das bə de 1 qrup xonəxon tərəfo kardeədə), 179.2.3 (dələmurt ya israf karde- ıştə vəzıfəku istifadə karde), 179.2.4 (dələmurt ya israf karde – xeyli miğdarəda ziyan je) inən 308.1- (vəzifə səlahiyyətonlu sui-istifadə karde) maddon ittihom be ro cinayət ko bə Lankon Rayon Məhkəmə vığandə bə.