Təxmin kardə bedə ki, Ozobiconədə bə tojəzandon doə bıə ğədəğən kardə bıə nomon siyohi bəpe hırdənon “istehzo iyən exroc kardeyku” mıdofiə bıko. Əmma vaxtı ki Talış nomən ım siyohiədə daxıl kardə be, veynəkəson bino kardışone gımon karde ki, məmləkətədə bə hırdənon nom doe siyosəti həğiğiə hədəf etnikə diskriminasiyəy.

Çı Boku şəhəri tolışə əji Əli Nəzərov 5 sor bə nav bə tojəzandon “Talış” nom doe ğədəğən karde həxədə votedə: “Im mıni vey təhğir kardedə. Sıvoy çımi Ozobiconədə i kəs heste ki, bə ıştə hırdəni Talış nomi bıdə?”

Əv dəvom kardedə: “Im siyohiədə ğərəyz Talışi hiç gılə milləti nom ni. Vey mərağine, çiçi ım komissiyəş məcbur kardə ğərori ğəbul karde ki, bə hırdənon Talış nomi doe əbıni? Bo ımi ro əncəx i gılə səbəb heste – etnikə nifrət”.