Rusiya ləşkəri çe Donbasi əjiyon faşiston dasto peroxniye roədə bardə əlehdə ləşkərəvonəti əməliyati barde holədə Azərbaycan iyən çe əy pantırkə əjiyon ıştə dimi rubəndışon dırnişone. Rusiya ləşkər Donbasi əjiyon çe faşiston canqo peroxniyə vaxtə də bı jıqo dasko dastək doy vırədə azərbaycanliyə pantırkon çe ukranasiston havərışon kəşəşone. Bokuədə çe Ukrayniə səfirəti navədə çe əvon de çand həzo odəmon həşe holədə dəvoniyə noroziəti aksiya bə Rusiya poəjənəti karde əy dınyoədə bənəy kurocəği nişo doy əy nişo doydə ki əvon sərostədə ıştən faşistin hejo əve çe faşiston havari kəşedən.

Əyən çok zınedəmon ki, Ukrayniədə çe nasistə dastə AZOV – i reçədə çe azərbaycanliyə – pantırkə əğıydəynə odəmonədə qırdə kardə bıə roəjənon canq kardedən. Əvon çe Kiyevi nohəmoə iyən həjəmə prezidenti iyən hukuməti havəri kəşeyədə ıştə ki beyışon bərmalə kardışone.

Dıminə Xərəboği canqədə Rusiya çe Azərbaycani havərış kəşçəşe. Mande ısətnə holədə binim kəynə Rusiya ıştə şəhərvandon çe faşiston çanqo peroxniyeş pidəşe boçi azərbaycanıjon ıştəni jıqo bardedən? Im parson həmə ıştə cəvobi çəş kardedən.

Əmə jıqo zınedəmon ki, ım parson peş Ukrayniə kaşi olığebpeştə tazisə boməyn! Azərbaycani rubəndi dıriyən bə bınəyniyə mərdumon ve qılə yolə foydə bədoy!
Əli Abbasov.