Ukrayniədə bino bıə denasifikatsiya iyən demillitarizatsiya roədə bardə bıə ləşkərəvonəti dastko hucubətədə dınyo ve keşvəron bə xosiyən Amerika İconə Ştati iyən Avropa bə Rusiya sanksiyaşon səlo jəşone.Çı səlo jə bıə sanksiyon hucobətədə Rusiya ovdomoni bə dollari iyən avro anqıləti ıştəni nişo doydə. Rusiya ovdomoni çe dollari iyən avroku şıkəri vəy pebıriyero dəvlət bəpe ıştə dastə oməyon bıkə. Əvən əve ki, rusiya bəpe ıştə ovdomoni, ıştə iqtisadi ovcbemoni sənibəton onə əy sənibəton bərpo bıkə. Qirəm AİŞ iyən Avropa jığoşə sanksiyon çe Rusiya kutisə peqətoyən ijən bəpe Rusiya ıştə ovdomoni həni çe dollari iyən avroku bə şıkırə nahaşto. Bı barədə Rusiya iqtisadiyati alimon bı koədə Rusiya çe dollari otəmi jintono bekarde havarisən. Hələynə odəmon kamişi bə hoydi – hoydi dəşən, ımən kamişi dəbəkəşe. Sanksiyon bə noxəşinon mıti bıə dəmonon dairətişon nıbuyən, ijən ım dəmonon pəydo karde saxt bıə. Rusiya ıştə şodə qəmədə həkəm nımando çe əy ko çok əbıni. Bı koədə Rusiya bə peşo roş nişe. Xıdo bə Rusiya koməq bıbo!

Əli Abbasov