Tolışstonədə nav Nəvuzi dame Kul omedə. Kul çe sori kuluminasiya titəy. Əve Tolışon de ğədimiku detobə ımrujnə ruji nav Nəvuzi kuli pişvoz kardedən.Kuləşəvi dastəxonədə bəpe həzo – həlbət haft curə hard bıbu. Yolonku jıqo qılə mij mandə ki, kuləşəvi çoknəy pişvoz bıkoş sori jəqoən bə sə bəjəneş.

Tolışon kiləşəvi haqomi vaxti kulşənbə kardedən, ıştəni çe otəşi kutisə həvolə kardedən, çəyoən sori təhvil doydən. Sori təhvil doy de tifanqi qululə ğande dəro kardedən. Kulə ruji tolışon həmə deyəndı dast qətedən bəyəndı çəşiruşini doydən. Hələ xıyzon maştə – maştə hıte holədə kəy moə ya yoləmoə çolisə ov pur kardedə vardedə peciluskinidə bə əğılon dim bəvon soron xəş oməy doydə.

Çəyo kəy hırdənonədə bə qıləyni dast qılə əbjor doydən əvən şedə bə so əyo bə kaşteqıli iyən bə do – çu tars omedə ki, əvon ımsor çokə bəhr bıdən. Tolışonro kul çe Nəvuzi idi binoy, əve əy Nəvuzisə çok dəvonidən. Nav Kuli orəxnə çoşanbə Hə kule. Hə kuli qıləyən nom kanə kule. Həmonə ruji bo Kuli pirbaz qətedən, kə – bə, so – bə şuş kardedən.

Xıdo bə şımə ovand bıdo, xosə tolışon, şımə nuə kul bud bıbo!