“Ya Huseyn” nıvıştə şey qorə dəstqir be votə imoninə fəal Fəqan Məmmədovi cəzo bə kam kardə bə.

Məhkəmə bəçe vəynə ittihomi Cinoyət Məcəllə 234.4.3 (bo həvate məösədi veyə miğdarədə narkotik bə dast varde, oğəte, kırnie) maddəku bə 234.1 (həvate məğsəd nıbe narkotik bə dast varde, kırnie, oğəte) maddəş deqış kardə.
Sıftənə maddədə 5 soriku tosə 12 sori ozodətiku məhrumkardə cəzo nəzərdə qətə bə. De tojə maddə maksimum cəzo hədd 3 sore.

Məhkəmədə Məmmədov əçe səpe narkotik nıbeş votə. Əçe Aşura mərasimon ro Bokuku bə Qəncə “Ya Hüseyn” nıvıştə şeyon barde qorə dəstqir kardə be iddio kardedə.

Dəçe sıxanon, oğətə bə peş bə Sər Mıtəşəkkil Cinayətkoəti Mıbarizə İdarədə bə işgəncon məruz mandə:

“Mınşon dimi səpe bə zəmin je, nıştin çımı peştisə, de saaton bın vəziyyətədəşon oğəte, “tok”şon vadoe…”
Məmmədovi cəzo bə kam kardə bıboən, əb, dın hukmiən rozi ni. Əçe vəkili hukmiku bə Ali Məhkəmə şikat karde fıkədə beş votə.