Traktor əçe pıəku mandə, 1987-minə sori istehsale.

Əv ıştə xeyzoni, dın traktori oğəte votedə. Əv ısət traktor ey ne, əv traktori oğəte məcburiyyətədə mande votedə: “Sorədə 3-4 kərə remont kardəm. Im sori mayə manqədə remontım kardə be. Traktor inən xərobe. Traktor hisson peydo karde bedəni, həmən vey bahoe. 850 mənot bə remonti pulım doe, bankədə kreditım peğəte. Bank həni bəmı pul dodəni. Çand kəsikumən ğarz peğətə. Ə ğarzonən mandən, bə kuçə beşe zındənim”.

R.Əliyev xərəb bə traktori ıştə soədə oğətedə. Traktorədə pinə pəlu kardə vıron oşko çidən. Əv traktori oçoniə hisson boho ne, se nızne votedə: “İqlə çəxe ğıymət 950 mənote. Çokonco buəm ın puli? Traktori tojə 40 həzo mənote. Ey bə mı ki bədo? Sori har manqədə ko bedə ni. Di təsərrüfat con dodə”.

Əv, ıştə kəy dute 10 sore bə sə je nızne votedə: “Diədə bekoətie. Cıvonon koy dumo bə ğərib keşvəron şedən. Sərhədon bastə bə nəbin, bə Rusiya ıstə duston tono əşim”.