Lankoni Osokujə di əji Habil Səmədovi 19 sininə zoə Rəvan Səmədov holiədə Silahinə Ğıvvon Sər Klinik Hospitalədə mualicə bedə. Habil Səmədov ıştə zoə 2022-munə sori oktyabrədı bə hərbi xıdmət dəri kareədə səhhətədə hiç qılı problem nıbe votedə.

“Az bə hərbi xldmət sağlam əğılım dəro kardə be. Nav əsqərəti video, şəkilin hıstin. Hiç 6 manq təmom bəni. Navədə noxəş bəbe, ey hiç nəben…”, – Habil Səmədov bə Meydan TV qəpış jə.

Dəçe sıxani, de Rəvani mərəzi band dəqiq diaqnozi həxədə məlumat ni, hospitali həkimin bın barədə bey məlumat dodənin.

Habil Səmədov əğıli hərəkət inən nitqədə ciddi problemin bə miyon beşe votedə.
Rəvan Səmədov 2022-munə sori oktyabri 4-də Lankon Hərbi Komissarətiku bə Qəncə N numrəninə hərbi hissə xıdmət vığandə bə. Karantin mıddət əyoş dəvonə. Təxminən manqi nim bə peş çəğın bə Qeranboy hərbi hissə vığandə bə.

Rəvan Səmədov marti 12-ku Silahinə Öıvvon sər Klinik Hospitalədə mualicə bedə. Dəçe pıə sıxani, əçeku psixi problemon myşahidə bedən. Oxonə vaxton temperatur bə peye.

Silahlı Qüvvələrin Sər Klinik Hospitaliku Rəvan Səmədovi holi həxədə bə Meydan TV məlumat doeku imtinoşon kardə, noxəşinon həxdə məlumaton konfidensial be, bə huç ki məlumat doə nıbeşon votə.