Qədəbəy rayoni Seyudlu di etirazonədə inzibati ğaydədə həbs bəyon bə Boku, Dılətonə Koon Vəzarəti Sər Mıtəşəkkil Cinayətkoəti Mubarizə İdarə bardə bən.

Huquqşunas, vətəndaş cəmiyyəti “Seyudlu” ko Qrupu uzv Səməd Rəhimli bo həmonə xonəxon ya cinayət ko oj kardə be, yaan əvon bə Boku beğanun bardə be bəyonış kardə.

Dəçe sıxani, Seyudlu hadison çərçivədə 11 kəs dəstqir kardə bə. Çəvonədə 8 kəs İnzibati Xəton Məcəllə 513-minə (qırd be təşkil inən dəvone ğaydon darışte) maddə, 3 kəs de narkotik ittihomi cinayət ko oj kardə bə”.

De huquqşunasi vote, həbs bə xonəxon apellyasiya şikaton hozzo kardə bıboən, çəvon əvlodon de vəkili muqavilə imzo kardeku imtino kardəşone. Əve apellyasiya şikat vığande zınə bəni.

Bın məsələ Dılətonə Koon Vəzarəti Mətbuat xıdmətiku munasibət omute mumkun bəni.