Beyləqanədə intihor hadisə qıne xəbə doə bedə.

Məlumatədə, rayoni Kəbirli di əji, II Ğaraboğ muharibə iştirak bıkə İlkin İsmayılov jiə kəy soədə ıştəni ehaşte votə bedə.Əçe bə kon səbəb intihor karde məlum ni.

Bə yod dəğandəmon 2020-minə sori sentyabri 27-də bino bə muharibədə Azərbaycan tərəfiku de rəsmi rəğəmon tosə 3 həzo hərbi ğolloğəvoni həlok be votə bedə be.

Yarajəyon barədə rəsmi məlumat doə nıboən, tosə 3 həzo xonəxo əliləti se bəyon kardə bə.
Həmonə vaxtiku muharibə iştirakəkəyon muxtəlif devlət onemonon vədə rə-rə etiraz aksiyaşon dəvonə.
Tələbonən, de adəti, əliləti dərəcə se nızne, ya əliləti dərəcə bə ji be, bedığğətəti, mualicə xarcon, de veteranəti band kompensasiyon barədə bən.

Azərbaycanəda tosə ısət 50-sə vey ğazi intihor karde barədə xəbə doə bedə.