Oktyabri 16-də Boku Apellyasiya Məhkəmə Azərbaycan Demokratiya inən Rifah Partiya İdarə Heyətini uzv Huseyn Məliki dəstqirəti band şikatış təmin kardə ni.

Vəkili Cavad Cavadov məhkəmədə Məliki ıştəni qınokor hisob nı karde, dəstqirəti bənə siyasi təğibi zıneş bəyon kardə.

“Məhkəmə mudafiə tərəfi iddion hiç qıləş təmin kardə ni”, – vəkili votəşe.

Huseyn Məlik oktyabri 10-də oğətə bə. Həmonə ruj məhkəmə əvış de İnzibati Xəton Məcəllə 510 (hırda xuliqanəti) inən 535 (bə polisi tabe nıbe) maddon taxsiko zınə, bə 30 sutka inzibati dəstqirəti cəzoş məhkum kardə.

Partiyadə əçe dəstqirəti siyasi sifariş hisob kardedən. Huseyn Məlik navkoən bə inzibati dəstqirəti məruz mandə.