Qılıən ictimai fəal bə polisi muğavimət ittihomi dəstqir kardə bə. Emin Axundovi de İnzibati Xəton Məcəllə 510 (hırda xuliqanəti) inən 535 (bə polisi ğanuni tələbi tabe nı be) maddon 1 manq inzibati həbs cəzoş sə.

Əçe barədə ğərar Boku Binəqədi Rayon Məhkəmə tərəfo bekardə bə.
Emin Axundovi kuçədə dıjmon doe, polis ey bə aşışəti vanqıku əsəbini bə, polisış təhğir kardə. Bın səbəbiku Binəqədi rayon, 5 numrəninə polisxonə bardə bə. Əyo əçe barədə inzibati xəto protokol soxtə bə.

1988-minə sori təvəlludin Emin Axundov sosial şəbəkonədə pevolo kardəyonədə hokuməti siyasəti tənğıd kardə be.
Oxonə1 manqədə Azərbaycanədə tosə 20 kəs ictimai-siyasi fəal dəstqir kardə bən.