De koronavirusi noxəşi anqıl səlo jə bıə karantini rujonədə Masali əjiyon ve yolə koroğ kəşedən. Kali ərbobon iyən co dastpoçəniyon bə beçizə əjoyon ovna baxş kardeyədə həşedən. Bə xosiyən əvon patənun baxş kardedən.

Masali Xırmandalı, Ərəb, Hacıtəpə, Şərəfə, Həsənli, Yeddioymaq, Ğasımli, Çaxırlı, Viləş, Ğızılağəc, Təklə nomədə dioənədə ım dastqo her – hevuj bardə bedə. Mande Masali co dion bənəy Xıl, Tuklə,Miyonku, Yeyənkənd, Ğəriblər,Tırkobə, Mədo (Mahmudavar), Şatobədə jıqo dastqo onbə bedəni, binim bə əjiyon bepulə nun baxş kardedən.

De çe əmə Tolışstonədə həşə əlehdə muxbiri doə rımuzi, ım dastqo ərbobə odəmon de ıştə puli odəşone. Əve bəpı ım dastqo dənıvardə dion ərbobon ım koy ıştən onən. Ozobiconi hukumətiku çiy çəş karde qırd əvomətiey. Əvon çəş kardedən ki, kəynə ım əjiyon həmə çe ivo bəmarden, çe əvon con pebərəxe. Jıqo – jıqo koon !