Xərəboğədə həştminə ruje canq taspə. Mardəkəson barədə rımuzon kamin. Ozobiconədə mardəkəson veyni tolışon, taton iyən ləzqiyonin. Tolışon ıştə sərzəminədə bənəy dəvilə jidən. Tolışstoni rayonon həmə omə kujon dastədə zar – zar bəmedən. De bə tolışon namusi piarış kardedən, tolışən şedə çe əvon roysə mardedən. Taleh Qaraşov Lankonədə, Ğəzənfər Ağayev Ostoroədə, Rovşən Bağırov Likədə tolışon nənə bə çəvon lov haştedən. Tolışon kəynə ımi bəsə dəbəşen? Imruj Aetsaxi roysə canqədə Tolışi tale iyən şiəti – Əhli Beyti tale həll bedə. Ki ımi bəsə dəşedənibu, bəvədə bızınən tolışi kə qıniyə.

Ozobiconi ıştəni tolış zınə seqment ıştəni jıqo bardedə ki, jıqo bızın əv çiç bıvoto hejo bəpe jəqoən bıbu. Mande iyo ko qırd co vırədəy. Xərəboği ım canq çe Tolışi ıştə dəsturon roysə bardə canqe. Imruj qirəm Arsax dəboxto, bızın çe tolışiən kolo dutə bey. Tolışi nomi qıləy ğədəğə jintono bahaşten ki, şımənən təmşo bıkənən. Əve oğo bıbənən, ıştə coni oqətənən. Şımə bo Tolışstoni bə vəc boməyon, ıştəni çəvon roədə bə erj mədənən.

Tolısh Media