“Meclis.info” sayti rəhbər İmran Əliyev apreli 19-də əçe həxədə dəstqirəti ğərar bekardə məhkəmədə qətə bə peş bə işqəncon məruz mande, bədəni elektrik vadoeş bəyon kardə be. De işqəncon əv bə sənədon imzo noe məcbur kardə bəbe.

Apreli 24-də Boku Apelyasiya Məhkəmədə İmran Əliyev davardə səfə məruz mandə işgəncon barədə qəp je qorə məhkəmə bə peş, Xətai Rayon Polis İdarədə təkror kuə bə. Əçe səpe hələən xəsarət rizon mande votə bedə.

Boku Apelyasiya Məhkəmədə İmran Əliyevi barədə dəstqirəti qərariku doə şikati diə kardə bə. 1 həftə bə nav qətə bə ictimai fəali barədə de Xətai Rayon Məhkəmə ğərari 2 manq dəstqirəti ğətimko tədbir vıjniə bəbe. Apelyasiya şikatən çın ğərariku doə bə.
Boku Apelyasiya Məhkəmədə İmran Əliyev bəçe vəynə doə kontrabanda ittihomi saxta be, hiç qılı cinayət nıkardeş bəyon kardə..

Məhkəmə apelyasiya şikatış rədd kardə, İmran Əliyevi barədə dəstqirəti ğərar ğıvvədə oğətə bə.