Bə istə avtomobil heyvonə aston ekardə bə peş sutə, ıştəni bın sutəyədə bənə maşinəda be edaştə Rafət Qəniyevi sorinim dəvom kardə məhkəmə bə orəx rəsə. Apreli 25-də Boku Qonə Cinayəton Məhkəmədə bo əy hukm handə bə. De bekardə hukmi, “Kaspian İnşaat MB” şirkəti direktor bə Rafət Qəniyev 8 sor ozodətiku məhrum kardə bə.

1980-minə sor təvəlludin Rafət Qəniyev de Cinayət Məcəllə 178.3.2 (kulli miğdarədə ziyan je dələdızdəti) iyən 308.2 (vəzifə səlahiyyətonku sui-istifadə karde-bə qonə nəticon səbəb beədə) maddon taxsiko zınə bə.

Rafət Qəniyev “Kaspian İnşaat MB” şirkəti ejənə bina mənzilon həvateədə dələdızdəti karde taxsiko zınə bə. Direktor bə şirkəti ejənə binada eyni mənzılon bə muxtəlif xonəxonış həvatə.

Cinayət koədə 18 kəs zərərkəşəy ğismədə zınə bə.