Sentyabırə manqi vistıhaftədə, dıhəzo vistminə sori Ozobiconi həjəmə ləşkəri bə Artsaxi hurəcış karde. Çı hurəci hocubətədə kali təylə zəminon bə Ozobiconi həjəmə ləşkəri dast dəşə. Mande çı həjəmə ləşkəri reçədə canq kardə tolışon, ləzqiyon, taton, avaron , udinon iyən co bınəyniyə xəlqon ve ğır bıən nekini tırkon. Əve çı canqi səkıştə bo tolışon ve qon bəsə bome. Mande sovı bı ımiyən interneti loonədə canq ve ğoym şedə, nekini canqi məydonədə. Ozobiconi innterneti okoədəyon Xərəboğışon səşone, ovəştən bə Erməniston. Canqi məydonədə qırd co curə rımuzon vinedəmon. Jıqo beşedə ım canqi dınyo canqon dılədə analoqış nişe. Çumçıko informasiya canq de sərostə canqi tavutədə ve ğoym şedə. Imən çe əliyevon nuə taktikay.

Odəmon ğır bedən İlham Əliyevən aradə beşedə ıştə tvitteri loədə 2 – 3 qılə diyon nomi nıvıştedə, mılxəs əmə ım diyonımon ozod kardəmone. Çəyoən orəxədə nıvıştedə : Xərəboğ Ozobicone. Im odəmon noxəşinin. Oxo de intetnetədə nıvışte ko orəxedəni. Im kəxobon jıqo bızın hejo internetədə bəjiyen. Realədə ısət boy har çiy co curəy. Xıdo bızın Ozobiconi əjiyon həni çiçon çəş kardedə. Dı bəboli bo soyə əjiyon. Xıdo bə əvon koməq bıbu!

Tolish Media