Cəbhədə tatə sərbozon vəzyət iyən “Şirvani ozodəti cəbhə” bəyonot

Bə Şirvani ozodəti cəbhəy Suraxanı rayoni şobəy məlumoton əsosi, oxonə rujonədə hərbiə ğollığ kardə iyən cəbhə iminə xəttədə cang kardə tatə sərbozon barədə xətoynə xəbəon omedən.

Bə pevılo bıə məlumoton əsosi, Çı Tırkiyə hərbiə təsisotonədə təhsil sə ozobiconıjə zabiton bə cəbhə iminə xəttədə cang kardə taton beuzrinə iyən təcovuzkor mınosibət nişo doedən.

Eyni zəmonədə xəbə doə bedə ki, ozobiconıjon xətoynə hərbiə əməliyotonədə iştirok kardedənin iyən hərbiə hissəon komandiron çı cəbhə iminə xətti mıxtəlifə baxşonədə xətomandə əməliyotonədə əncəx bumiə xəlğon, xısusən taton iştirok karde məcbur kardedən.

Ko bə gıləy vırə rəsə ki, dı ruj bə nav tırkə zabiton bənə əşivo bə gullə gətəşone tatə sərbozoni ki, doə bə məsələon bə vırə rosniəşonni iyən tələb kardəşone ki, ozobiconıjə tırkonən həmonə əməliyotonədə iştirok bıkən.

Əmə, Şirvani ozodəti cəbhə, çı ləşğəri rəhbərəti, ə cumlədə Zakir Həsənovi vang kardedəmon bə tatə sərbozon mınosibətədə diskriminasiya siyosəti bə sə rosniye, neysə Şirvani ozodəti cəbhə bo tatə xəlği ım bemənoə cangi Ğərəboğiku bə Şirvan obəvaştovne iyən bo vətəni ozod karde mıborizə Abşeronədə, Gubadə, Şabranədə, Şamaxıədə iyən Şirvan Respublikə co vırəonədə bə nav bəşe!