Çı Turkiyə Respublikə pırezident Rəcəb Təyyeb Ərdoğani bə Ğərəbağşıe holədə, Ozərboycon Respublikə xəbə mənbəon ilon kardışone ki Turkiyə nizamiyə bazə Zəngilan məntəğədə iyən çı İron İslam Respublikə sərhəddi kəno Syunik məntəğədə bino bedə.

De Azər Forum agentəti əsos, siyasiyə koyəzın Asef Nərimanli votdə: Mayə mangi 3-minə rujədə çı Turkiyə iyən Ozərboycon Respublikə nizamiyə votdımonon ali şura İclosədə ki Ərdoğanı bə Bokuşıe vaxtədə təşkil be ın 2 gılə ulkə arədə nizamiyə həmkoətiyon hissədə tojə hərəktoni şohid bəbemon.

De ın xəbə əsos gasbo ın iclosədə Ozərboycon Respublikədə çı Turkiyə nizamiyə ğıvvon rəsmi daxilbıe iyən fəaliyət karde barədəən sıxan bedə. Ozərboycon Respublikədə Turkiyə ın nizamiyə huzur iyən iştirok de ‘‘nizamiyə bazə təşkil karde, yaən nizamiyə nimayəndəon mərkəzon bino karde ijən həvo nizamiyə bazə təşkil doe’’ ihtimoli həmro bedə.