Imruj Lankonədə Cəmil (Cəbrayıl) Hacıyevi davardə məhkəmə bo sentyabıri 11, 2019 – nə sori oqətə bey. Cəmil (Cıbrayıl) Haclıyev de ıştə boə İsrafil Hacıyevi çand manqone çe Ozobiconi məhkəmə bə zinhor vardə.

Bə Cəmil Hacıyevi iyən bə çəy boə İsrafil Hacıyevi dim mandə, bəvon şər ğandə odəm Qorxmaz Hacıyev nomədə qıləy miyonqəze. Bokui hukumət de jıqo roy odəmon bə yəndı dim haştedə, əjiyon bə zinhor vardedə.

Bə şımə vir əyən dağandəmon ki, Cəmil Hacıyev ıştən iyən çe əy boə İsrafil Hacıyev Xərəboği veteranin. İsrafil Hacıiev həmən çe Əfqanıstani veterane. Cəmil Hacıyei bə Azərbaycani Xalqon Demokratə Partiya omujən bey bəpeştə ım hənqomon bə çəy iyən bə çəy boə sə vardən.

Im ko çanəndə dəbəkəşe əy iqlə Xıdo zınedə iyən Ozobiconi hukumət. Əmə ıştə tono bə həmə dınyo demokratiya inistituton bə həmə onemonon bə  Cəmil Hacıyev iyən bə çe əy boə İsrafil Hacıyevi koməq karde vanq kardəmon. Im odəmon ıştə xəşişon qin kardə, bə əvon dastqətəti vırədə, ım pesoxtə hukumət dılışe de pesoxtə koy əvoni bə zindon dəğando. Xıdo bə əvon koməq bıbo.

Lankon – Xolmili.

Sərdor Bunyadov.