Ermənistonı sədr vəzir:
Cəmi Əmniyət Ğərordadı təşkilatdə ulkəon rəftor Ğərəbağ iyən Boku arədə dəvardə 44-nə ruj cangədə iyən ın cangıku bə peşt “Ermənistonı ve şo nıkardışe.”

Nikol Paşinyan Eermənistonı sədr vəzir Cəmi Əmniyət Ğərordadı təşkilati lideron iclasədə votdışe ki ın təşkilat çı Ğərəbağ məntəğədə pırablemon gorə jəğo ki Yerevan çəş kardə be, hərəkət kardəış ni.

Əv votdışe ve vaxte ki Erməniston Cəmi Əmniyət Ğərordadı təşkilati kali ulkəon bə Boku silah həvate məsələ ilon kardəşe. In silahon çı Erməniston iyən Erməniyə xəlği əmniyəti zidd istifodə bən.

Nikol Paşinyan ijən votdışe ki Cəmi Əmniyət Ğərordadı təşkilatdə ulkəon rəftor Ğərəbağ iyən Boku arədə dəvardə 44-nə ruj cangədə iyən ın cangıku bə peşt, “Ermənistonı ve şo nıkardışe.”

Ermənistonı sədr vəzir Nikol Paşinyan bı holədə Vıladimir Potinı kıməgətiku çı Ğərəbaği cangi oroxniyeədə ve təşəkkur kardışe.