Martə mangi 20-ədə çı Azərbaycanə Respublika prezident, Boku diktator İlham Əliyevi Bokuədə dəvardə Umumdınyo Mədəniyyəton arə Dialoqə Forumədə votəşe ki, Multikulturalizm çəmə jimoni tərze. Im, tojə sıxan bıboən, əmə əsron dırozi həminə ğaydədə jiəmon.

2016-minə sor Azərbaycanədə “Multikulturalizmi sor” elan be əy subut kardedə ki, əmə çı dınyo diğğəti bı muhumə ideya cəlb karde pidəmone.

Peşo İlham Əliyevi votəşe: Bo əməro multikulturalizm həmən çəmə siyasəti muhumə elementonədə qıləye.

Azərbaycanədə çı multikulturalizmi beynəlxalğə mərkəz təsis bə. Əmə multikulturalizmə molyəton təbliğ iyən təşviğ kardedəmon, navo omə soronədə çı multikulturalizmi yolə potensiali numayiş bəkardemon.