1 numrəninə Boku İstintağ Təcridxonədə 62 ruj vəşiəti aksiya dəvonə Şaiq Kazımovi marde xəbə doə bedə.

Əçe moə Nərminə Ələkbərova, zoə vəşiəti aksiya şərin be qorə dəvone iddio kardə.
Şaiq Kazımov may 24-də 19-minə polis xonə koəkon tərəfo oğətə bə.

De moə sıxani əv dumotono 20 kəs, dastədə tapançə, mulki olətinə xonəxon tərəfo kəy blokədə oğətə, çəyoən ğoym kuə, bəçe cif 700 ğram nəşə noə bə. N.Əkbərova bəçe zoə idarədə qonə işgəncon doə beyən ğeyd kardedə.

Dılətonə Koon Vəzarəti mətbuat xıdmətiku de adəti ın votəyon be əsos be votedən.