Azərbaycan Demokratiya inən Rifah (ADR) Partiya dəstqir kardə bə sərdor, professor Qubad İbadoğlu boə əçe muayinə inən analizin nəticon saxta kardə be votedə. Sohbət bə Avropa İnson Həxon Məhkəmə təğdim karde ro onoə sağlaməti sənədonku şedə.

De Qalib Bayramovi sıxanon, Qubad İbadoğlu vəkil Zibeydə Sadıqova muvəkkili muayinə nəticon band tibbi sənədin se qorə tosə 10 kərə ovardə, əmmo xeyli mıddət bey professori muayinə inən analizon nəticon təğdim kardə bəni. Bə vəkili ovardəyon ya imtino cavab omə, yaan umumiyyətlə, cavob doə bə ni.