Xosə radioəməson, ımruj, martə mangi vistmina rujədə Ozodə Tolışıstoni Radio təsisi 6-nə sorəgardış təmom bedə, 7-nə sore ki çəmə rədio iyən çəy həmməu koəvonon de yolə mehibbəti bo tolışə xosə xəlği xıdmət kardedən. Im mıddətədə əmə zınəmone Boku rejimi osınə pardə arışte iyən Tolışə xəlği problrmon bə həmməy dınyo cəmyəti nəzə bırosnəmon. Im dırozə soron mıddətədə cəhdımon kardə həmməy dınyoədə tolışə əzizə xəlği reçinə mədəniyəti pevılo bıkəmon.
Ozodə Tolışıstoni sədo radio Tolışə xəlği sədoye. Əmə de çəmə radio təsisi mınosibəti şımənən təbrik kardedəmon, bo şımə ro xəşəconi, həşiyə rujon, xəşə guzoron iyən firəvonəti orzu kardedəmon. Əmə hejo boşməro ko bəkardemon iyən şımə sədo bə həmməy dınyo bərosniemon. Xıdo bəşmə ovand bıdo…