Martə manqi 25-ədə Bokuədə çı Respublika Ruşinfikon İctimai İbemoni sədr, kinodramatyrq Eldəniz Quliyevi “İşartı” (“Zurki”) kitobi təqdimatə mərasim dəvoniə bə. Həminə tədbiri həxədə Azəri-Tolış ibemoni sədr Mehdibəy Səfərovi ıştə “facebook” səhifədə qıləy kırtə xəbə doəşe: Ey həminə tədbirədə kəşə şikili jiyo nıvıştəşe ki, Tolışi ictimai fəalon çəmə xalqi yolə dust, çı Azərbaycani yolə ictimai-siyosi xadim, Respublika Ruşnəfamon İctimai İbemoni sədr, kinodramatyrq Eldəniz Quliyevi “İşartı” kitobi təqdimatə mərasimədə iştirak kardışone.

Azərbaycani sayton isə həminə tədbirədə i dastə tolışə fəalon iştiroki həxədə məlumat doəşon ni. Əyən ğeydkəmon ki, Eldəniz Quliyev de Mehdibəy Səfərovi bə ivrə Azəri-Tolış ibemoni təsis kardəşbe. Çey bə tolışə xəlği munasibət jıqoe ki, əv əməni millət ne, “etnik qrup”, çəmə xəlği huğuğon ro mubarizə bardə tolışə mubarizon “separatçı”, Fəxrəddin Aboszodə isə “ünsür” hisob kardedə.