Bə “Reportyoron ozodi iyən betəhlukəti instituti” sədr bloger Mehman Huseynovi aprelə mangi 9-minə ruji rəbədə icozə doəşon ni çı Ozobicono bə Avropə şe bo çan gılə beynəlxəlğə tədbironədə iştirok karde ro.

Berlin şəhəri aeroportədə bə Mehmən Huseynovi votəşone ki Ozobiconi sərprokurorəti ğədəğən kardəşe əy bə Avropə vadoe. Bə KİV-on Mehmani boə, “Reportyoron ozodi iyən betəhlukəti instituti” mudir Emin Huseynovi xəbə doəşe ki kişvəriku beşe ğədəğən karde səbəbon həxədə hiç məlumot doəşon ni.

Bə çəy sıxanon əsosi blogeri çı məmləkəto beşe ğədəğən karde ro hiç gılə huğuğə əsos mıvcud ni, çumçıko əy ıştə 2 sornə zindonə cəzo gırd kəşəşe oroxniəşe iyən ozod be bəpeştə  xariciə pasportış sə.

Mehmən Huseynov lap hejo ımruj Berliniku bə Strasburg şənin be bo Avropə Şurə Parlamenti Assambleya insoni huğuğon komitə tərəfo təşkil kardə bə konfransədə iştirok karde ro.