Aprelə mangi 15-ədə Ermənistoni, Ozobiconi iyən Rusiyə xariciə koon vəziron Moskvə şəhərədə bo Ğərəboği mınoğişə həll karde roon mızokirə karde ro vindemon kardəşone. Im vindemonədə Avropədə Betəhlukəti iyən Əməkdoşəti Təşkiloti Minski grupi Əmerikə iyən Fransə həmsədron iştirok kardəşone.

Çı Rusiyə Federasiyə xariciə koon vəzorəti elonədə votə bedə ki, ım vindemoni vaxtədə Ğərəboği mınoğişə həll karde roon mıxtəlifə perspektivon mızokirə dəvom kardəşe. Dı məmləkəton xariciə koon vəziron ım mınoğişə həll karde iyən konflikti zonədə gıvonəti saru evarde həxədə ıştə nəzəron ifodə kardəşone.

Vindemonədə həmməy iştirok kardəkəson elon kardəşone ki umuşon heste Ğərəboği mınoğişə nezə vəomədə de sulhinə roon həll bəbe.