Səlyoni əjiyon bənəy Ozobijon nomədə pesoxtə keşvəri co əjiyon Banki ğarzi erosnie zındənin. Əvon bı barədə koroği dılədə tasedən. Çı bankonədə qıləyən UNİBANKE. Im bank çe Paşayevon tobyə banke. Çe odəmon kəy ğandə Banki qıləyən xonə Səlyonədəy. Çandi – çand ruje Səlyoni əjiyon çı Banki vədə hovoz kəşedən. Oxo çı pesoxtə keşvəri pesoxtə prezidenti jıqo qılə sərəncom doəşe ki, beçizə əjiyon ğarzon molə bıbun. Mande demi odəmon kaşi olığedəni. Isət ım bankon odəmon sənədon osə ğandən, çəvonku çanəndə co sənədonışon pidə, de jıqo çəmi odəmon bezo kardən.

Odəmonən be əloc mande holədə ıştə kə – bə dasto bekardən. Çumçıko oxo əvon banko ğarz peqətədəy ıştə kə – bəşon qirov haştə. Jıqo beşedə ki, çı pesoxtə keşvəri pesoxtə prezidenti doə sərəncom bə Paşayevon dair ni. Imon çiçışon pidə jəqoən kardən. Səlyoni əjiyonən çand rujonin çı banki vədə ıştəni kıştən ki, bə nubə eqınon. Mande çəvon bə nubə eqıniey, çəvon kaşi olığnidəni. Tolışon iqlə roşon heste: – Iştə dəvlətmədorəti onoy, çəyo rohət – rohəti ıştə sərzəminədə jiey.

Sə bey şey! Xıdo əmonətədə!

Tolışston – Səlyon. Sərdor Bunyadov.