Tosə ısət Avropa İnson Huğuğon Məhkəmə (AİHM) Azərbaycaniku vığandə şikaton band 469 ğərar ğəbulış kardə.

Həmonə ğəraron 148-i icro nəzarət bastə bə. Mandə ğəraron cəmi 25 faiz icro kardə bə, 75 faiz icro be bəçəşe.

De huğuğşunas Xalid Ağəliyevi vote, ım Avropa Şura keşvəron dılədə ən jinə nəticəye.
Oxonə vaxton Azərbaycan ictimai muhitədə Avropa İnson Huğuğon Məhkəmə (AİHM) ğəraronəda kompensasiya navınə soronsə kam be muzakirə bedə. Vəkilonən norozin, çəvon xıdmət həxon cuzi be iddio kardedən.

Azərbaycan 2001-minə soriku Avropa Şura uzve. 15 aprel 2002-minə sor bə Avropa İnson Huğuğon Konvensiya iyən əçe Protokolon ratifikasiya be bəyonış kardə. Həmon tarixekuən Konvensiya iyən əçe Protokolon bə Azərbaycani munasibətədə ğıvvədən, Azərbaycan Respublika yurisdiksiya jiədə bə xonəxon bə Avropa İnson Huğuğon Məhkəmə ovarde huğuğşon sə.