Masalədə jiyə jurnalist Mirələm Həşimov ımruj maştə – maştə bə Masali rayoni Polisi xonə vanq kardəşone. Mirələm Həşimovi bənəy qılə ğıryətmandə, həxi votə cıvonə jurnalisti zındəmon. Əv çand sorone de əliyevi hukməti reqionədə kardə nohəxətiyon bə canqe, əvoni har vırədə xar kardə. Vinde bedə çe jurnalist Mirələm Həşimovi həşemon əvoni ve norohət kardə, əve əy dastqir kardero eçın qətedən. Imruj əy bə Polisi xonə vanq karde çəvon qətə eçıniku xəbə dodə. Bı barədə ıştə facebooki loədə nav bə polisi xonə şey jurnalist Mirələm Həşimovi ıştən nıvıştəşe. Əy jıqoş nıvıştə: “ Çand sorone mıni exroj kardən, bəmı tars dodən. Isətən məvuji əvon mınışon dastqir karde pidəşone. Az ısət bə Masali polisi xonə şedəm, koy çəyo benışim, ıştə həxi bəmı həlol bıkənən”. Əyən ziyodə bıkəmon, Mirələm Həşimov həmən imoni xıvande, dindore.

Xıdo ıştən bəy koməq bıbu. Amin!

Tolışston – Masal.

Sərdor Bunyadov.