2019 – nə sori mayə manqi 10 – ku detobə 13 – ə Bokuədə cıvonə qonələşə atleton keş dəvardə. Bı keşədə Cəlilabadi rayoni cıvonə vərzışkoronən həşən. Cəlilabadi vərzışkor Umud Ğasımzodə bı keşədə 237 kq qoniədə dıminə cvırəş qətə, demiyən bəy nığədə madalışon edoştə.

Cəlilabadi cıvonə vərzışkoron onemoni sərdori Umud Ğasımzodə iyən çəy ustod – verdədəş ğəbulış kardə , bəvon ha dıynəni ıştə tono sepazış votə, çəyo bə cıvonə vərzışkori diplomış edoştəşe. Umud Ğasımzidə verdədə Qadir Babayeve. Əyən ıştə tono bı cıvonə tolışə balə ovandış orzu kardə, vəoməyonədə bəy zərinə medali baxşə səy yolə nocə beyış votə.

Boku – Cəlilabad ( Həmoşəru)․

Sərdor Bunyadov.