Əbulfət Musayevi nomədə Liki rayoni Vizəzəmini di miyonə məktəbi 11 nə sinifədə əhand Həndəmov Azər Ərəstuni zoə tarix fəndi əncomədə dəvoniyə Respublika Olimpiya keşədə bə seminə vırə beşə. Imən bəy bə kom inistitut pidəşe be dəvinə dəşe zıney qirəvə dodə. Həmən əv bə ıştə səçınyə inistitut dəşe iyən əyo be mıjdi ( pe pul) hande qirəvəş ğəzəncış kardə. Boənən bı nuperəsə tolışi dılisoxti çəşiruşini bıdmon, Xıdo bəy ovand bıdo. Əyn ziyodə bıkəmon ki, ım nuperəsə zoə bə iminə vırə nomi loyiğən bıbu, çəy tolış bey çı jıqo nomi bəy nıdoy kaşikuey.

Tolış kəynə ıştən dast, ıştən yəxə bəbe, bəvədə har çi bəştə co bome. Əve əmə bəpe ıştə dəvlətmədorəti bərpo karde roədə dastpoçənin bıbəmon, Xıdo rozi!

Lik- Vizəzəmin- Boku.

Sərdor Bunyadov.