Kəxob vəse kam

bomoro çol bıkand,

Iştə sısti bıstən kamişi omand,

Bınışt, bıfam odəm bıbi boy bə pand,

Bəştə miji, bəştə ruji vir səğand,

Deştə dasti ıştə kumə- kəy məğand.

Hiski dodən tıni, tınən dərvedəş,

Jıqo zındəş tı çəy çəşdə zər bedəş,

Oxo vindəm dard – səriku çər bedəş,

Kiy bəştı sə ım puçə famon dəğand?

Deştə dasti ıştə kumə- kəy məğand.

Hampo tono bənəy lolə pəsi biş,

Cənı şedə, kəfə mandəş həni niş,

Iştəniku bıpars hələm oxo kiş,

Iştə rəği – rişə bə daşt peməğand,

Deştə dasti ıştə kumə- kəy məğand.

Iştə nomi qəte boçi tarsedəş?

Dəvilonku ıştə rizi parsedəş?

Boçi jıqo səkuə boştə ğarz sedəş?

Iştə tobyə kujon dumo eməğand,

Deştə dasti ıştə kumə- kəy məğand.

Tı merdi zoəş, merdon tono merd bıbi,

Iştə bumi, sərzəmini kert bıbi,

Boştə tobyə sərostə pard, sırd bıbi,

Iştə ənkə nıvıştəyon çok bahand,

Deştə dasti ıştə kumə- kəy məğand.

Dətasp bəştə xəlği sonon, sard məbi,

Noxələfon lınqi jinton pard məbi,

Dardım veye, tınən bomon dard məbi, Im çe ruje mandəş, nomı kəbığand,

Deştə dasti ıştə kumə- kəy məğand.

Z. Mədoj

02.06.19.