Ostoro əji Murad Muradov 10 sorisən veye ıştə ovdomonədə Təvuzəkijə noğo doydə. Murad Muradovi ım ovdomonış Lankonədə onəşe. Əv ıştən de kijəvonəti 20 sorisə bəpe bə həşe. Navko qirəm Murad kafte, let, zəj iyən co kujə kijon noğo doydəbebu, ısət  sərost 10 sore Tolışstoni zəminədə nıjiyə Təvuzəkijən oqətedə. Əy təvuzəkijəş İrono hıryəşe, vardəşe. De çə votəy, əv har manqədə bə iqlə təvuzəkijə 30 manati ğərolədə hard doydə. Isət həmən Murad de co kəfşəni kijə – kəvulon bə ico çand curə ranqinə təvuzəkijə heve kardedə. Ko bımədəy ki, Murad Muradov ım kijon bə hiç xonəxo havatedəni. Çəy iqlə nocəş heste, ım təvuzəkijon bə Hırkoni  vişon pevılo karde, əvoni bə çəmə zəmin pemujniey. De çəy votəy, oxo boçi Tolışə bandonədə jıqo reçinə kijə nıbu. Əve əv ım kijon bo Hırkoni vişon perosnidə, əvoni bo çəmə bandi vişon heve kardə.Təvuzə kijə dınyo qırd reçinə kijə zınə bedə, çəy dırozə dumədə 200 qılə por heste. Çəy dum ve dırozən bıbu, ım kijə saatədə de 16 kilometer tovi pəre zınedə. Xıdo bənəy Muradi fərzəndon bə Tolışstoni zəmini ve nızıno.

Xıdo rozi jıqoşə çəmə Tolışə bandonədə de Murad Muradovi dasti bəhrə dınyo qırd reçinə, rəvoşinə kijə Təvuzə kijə pəydo bəbe.

Lankon – Ostoro  – Hırkon.

Sərdor Bunyadov.