Boku dovlətəfə insoni huğuğon mıdofiəkor Ogtay Guləliyevi votəşe: “Boku zindononədə ijən miyonə əsri şivəonku bo işgəncə karde xoto istifodə bıdə”.

Bə mıxtolifə informasiyə aqentətion raporti əsosi Ogtay Guləliyevi gıləy məğalədə ğeydış kardə: “Rəsə xəbəon Boku zindonədə bən miyonə ğərni şivəonku bo işgəncə doe xoto istifodə karde təsdığ kardə”. Əy həmçinin votəşe: “Məhbuson teşiyan-vəşiyan haşte çı Ozobicon Respublikə zindononədə addi gıləy mıvzoe”.

Əy ğeydış kardə ki vey soron heste Ozobicon Respublikə zindononədə jıgonə şivəonku istifodə bıdə.

Hac Tale Bağırzodə həm tojədən Boku zindonədə anə dəhşətinə işgəncəon barədə ifşaəkə sıxənon elonış kardə.

Boku dovləti “Mısılmonon İbemonə Hərəkoti” sədr Tale Bağırzodə iyən ım kişvəri islamə partiyə rəis Muhsen Səmədov ısət de be əsosə ittihomon Ğobuston nomo bıə zindonədə həbs bən.