Natəçolə şəhəri 33 kim. nısoəçəmədə 30 sor çımi bə nav Kurdıli nomədə sərkuədə Kurkasa iyən Jarski nomədə dıqlə diyon pedəyən. Im dıqlə di Kaspi dıyo dılədə sərkuədə vırəş səşbey.Bı dıqlə diədə 3 həzosə vey əjiyon jidəbin. Çı dıqlə di əjiyon həm ruson həmən tolışon bin. İyo SSRİ vaxti bo odəmon jimon karde har curə ovdomon hestbey, əvon penə fayədə onə bıəbin. Bı sərkuədə bo dıqlə di məktəb, fərhənqinə kə, klub, kitobxonə hestbey. Bı diədə 1911 nə sori ruşnəvəşə ( mayak) ejənəşone. Im sərku iqlə Tolışstoni ney həmən Ozobiconi həndəvərədə qırd yolə sərkuey. Isət ım vırə qırd təyliey. Ço tonə Kaspi nemıkinə ovi dılədə ğərol hardə bı sərkuədə çoli ovon şin bejənedən. Ozobicon səbəsojəti bə dasat vardəbəpeşt, ım sərkuən bənəy co vıron vironə bin mandin. Imən çoknəy vindəmon Ozobicon nomədə pesoxtə keşvəri de ıştə əjiyon rəvimoni nımunəy.

Natəçolə – Kurdıli sərku.

Sərdor Bunyadov.