Ozobiconi Xalq Cəbhə  vaxti Dıləntonə Koy Vəzir ko kardə İskəndər Həmidovi oktyabıra manqi 19 – də Bokuədə davardə mitinqi barədə kali sıxanonış votə. İskəndər Həmidovi Boku polisi de mitinq kardə əjiyon rəvimoni barədə qəp jəşe. Iştə qəpədə İskəndər Həmidovi əjiyon kuə polison tolışə zıvonədə qəp jəy barədə həpəroyonış votə. Mılxəs İskəndər Həmidov odəmon kuə polison kırdi zıvonədə ney tolışə zıvonədə qəp jəyış votə . İ. Həmidovi votəşe: “Az məsəme, odəmon kuə polison tolışə zıvonədə qəp jəydəbin”.

 Çı koy çoçinə ton  ıme ki, İskəndər Həmidov çe konco zınedə, əv polison kom zıvonədə qəp jəşone. Jıqo beşedə ki, İskəndər Həmidov kırdi zıvoni zınedə, əv kırde. Bo çiçi İskəndər Həmidov votedə, polison tolışə zıvonədə qəp jəydəbin?  Çımi cəvobi pəydo karde ve hostone. İskəndər Həmidov bo tolışi vinde çəşış ni. Əy ımış nəveminə soronədə Ostoro Şashğəci diədə nişoş doə. İskəndər Həmidov tolışə xəlği iminə deşmene. Im şitə odəm tolışi nomi məsədəy jıqo bızın, çe əy peşt arşidə. Odəm çanəndə bə çe əmə xəlği ıştə deşmen bey nişo doydə.  Əmə hələən ıştənımon noəmone bə ənəməsəti. Jıqo – jıqo konn.

TolishMedia