Dınyoədə har sor fevralə manqi 21- də “İnə Zıvoni” ruji dəvonidən. Zıvon bə har qılə odəmi Xıdo doə baxşəy binim odəm de əy ıştə piəy, ıştə zınəy, ıştə fami bebuli kardedə. Zıvon, bə xosiyən inə zıvon odəmon bə iyəndı nez kardə qiraminiyə faktore. Tolışon jıqo votedən: “İqlə zıvon zınəy i xonəxoş, da qılə zıvon zınəy da xonəxo”. Im sərostədə jıqoy, mande ıştə şinə zıvoni, ıştə inə zıvoni nızınə odəm nimcu bedə, sərisofə odəm bey zınedəni.

Əve har odəm iminə nubədə bəpe ıştə moə zıvoni, inə zıvoni sərisof bızıno. Tolışon zıvon dınyo zıvonon reçədə qırd penə fayədə zınə bıə zıvononədəy. Har tolış bəpe de ıştə zıvoni, ıştəni pekırıno, ıştə zıvoni çok omuto, əy ovc karde roədə bıhəşo. Xosə tolışon , əmənən bə şımə de “İnə Zıvoni” ruji çışiruşini doydəmon. Xıdo şıməni de ıştə zıvoni cər bıko! İnə zıvoni ruji idon bud bıbo!

Tolish Media