İctimai fəal Fuad İsmayılovi 60 sutka de inzibati ğayda dəstqir be votə bedə.

Bı həxdə bə Azadlıq Radio çey nezə odəmon məlumatşon doə. De çəvon votəyon F. İsmayılov martı 7-də qin bə: «Fuad çoştoni saat 2-də kədə beşə, peşo çeyku xəbə bəni. Mıddəti bə peşt çey moə bə Dılətonə Koon Vəzarəti (DİN) «102» Xıdmətiş zanq jə. Məlum bə ki, Fuad polisi tərəfo oğətə bə.

F. İsmayılov Suraxanı rayon 32-minə Polis Xonə polison oğətəşone, peşo əv bə Suraxanı Rayon Məhkəmə bardə bə: «İnzibati Xəton Məcəllə 206-minə (ğeyri ğanuni narkotik vasiton, psixotrop maddon soxte, ıştə səpe novne) maddə 2 manq ko bırniyə bə. Əlidə hiç qılı məlumat ni.».

Bın votəyon Dılətonə Koon Vəzarətətiku inən Suraxanı Rayon Məhkəməku jə çıy omute mumkun bəni.
F. İsmayılov çimi bə nav fevralı 16-də bə parlament səçınon etiraz aksiyadə oğətə bəbe.

Fevralı 21-dən F. İsmayılov Mərkəzi Səçınə Komisiya bina vədə bə divo şuar nıvıştiədə oğətə bıbuən, bəvədən rəsmionku jə çiy omute mumkun bə nıbe.

Tolish Media