Masalədə dı qılə odəmi çe koronavirusi noxəşiku marde rımuz beşə. Əve Masalədə odəmon şe – omə qırd ebıriyəşone. Masali kanə vıjori kuçədə maşinon şe – omə ğədəığə jintonoy. Həmonə vıjori tono davardə 20 Yanvar nomədə kuçə dukononədə qirəm əhəvaton dimədə rubənd nibu bo ko karde haştənin əvoni.

De çe əmə əlehdə muxbiri doə rımuzi Masali deputat çe Embovood mebeli zavodi sərdor Məşhur Məmmədovi bə Masali əjiyon, bə xosiyən nunpatə vıronədə iyən co ovnə omıştə sexonədə ko kardəkəson 2600 qılə rubənd iyən 4500 qılə 100 ml şişədə spirtış  baxşəş doəşe.