Cərə ənıvışt Əkrəm Əylisli ıştə nuə tasıbədə de koronavirusi noxəşi anqıl qəpış jəşe. Iştə de moderator. az sayti tasıbədə ənıvışti Ozobiconi Respublika əjiyon ımrujnə ruji kəşə koroğonku qəpış jəşe. Iştə tasıbədə Əkrəm Əylisli Ozobiconi hukumətış bə tənğıdi otəşış qətəşe. Ənıvışti bə Ozobiconi əjiyon de ənəndə doə koroğo bı jıqo noxəşi qəte çe Xıdo vığandə bəlo zınedə.

Əv İlham Əliyevi həjəmə dastdə bə odəmon jıqo nıbə koroğon doyro ıştə dıli sıxanonış həmə votəşe. Bə şımə vir dəğandəmon ki, Əkrəm Əylisli bə ıştə nıvıştə “Sığə hanon” nomədə povestiro Ozbiconədə har curə exroc kardə bıə, har çiyışon çe əy dasto səşone. Əv hiç bə daşti keşvəronən şey zınedəni, əy Ozobiconədə qirov oqətedən. Iştə dastqirən jimoni barədən əy jıqoş votə: Az ıştə sıxanım vote, əve ım dastqirəti bə mı veyən vırə kardedəni. Vay bə odəmon holi ki, hələən bı ımon nokəti kardedən.