Ozobiconi Dəvləti Mukafati Nomi Əstən, Zəhmətkəşə elmi xadimi nomi əstən, filoloqiya elmon doktor, professor, bo Milli Məclisi soxtə bıə  deputatNizaməddin Şəmsizodə bə həmonə Milli Məclisi ovardəşe. Iştə bə parlamenti deputaton ovardemonədə, ım pesoxtə professori de koronavirusi sərisofə perızəti bardeyədə bə Ozobiconi beməxə  Prezident İlham Əliyevi çe pesoxtə Ozobiconi Respublika Milli qəhrəmani nomi doyış ovardəşe.

Parsəkəs bıəni çəyku ki, oxo koronavirusi noxəşi Ozobiconədə ısət – ısət pevılo bedə.Im çoknə koy ki, çəsponi bə ıştə beməxə prezidenti jıqo nomi doy pidəyone? Odəm mandə hədəyon bı  jıqo dı lınqiyə həyvonon çiç bıvoto ki, dılış sardon bıbu. Bə ıştı ofəyə dı lınqinə moli ve şukur Xıdoya – xıdovandə, odəmon vəşiku ğır bedən, ım odəmən diə bıkə çe çiçi ğəmi qətedə!