Lankoni Şəğoləse nomədə di de ıştə fərzəndon, de ıştə qıləvıjniyə merdon, alimon, şairon, musiqişunason, xanəndon cəre. Jıqo qılə di bənəy Vəlişa, Xilqət nomədə bə dınyo şeeriyati ustodon doəşe. Bı diədə bənə Ustod Vəlişa Ağayevi dahiyon perəsən. Tolışston həmə bəy Vəlişa mamu votedəbe. Imrujnə rujədə hiç kəs votedəni Vəlişa Ağayev çı dınyo şıə. Həmə i qəvo jıqo votedən: Vəlişa mamu ıştə dınyoş ovaxtəşe.

Vəlişa mamu sıxani rostiədə ıştəni bənəy qılə yolə siprişi bardə merd bey. Əy ıştə jimonədə hiç kəynə bə hiç xonəxo bevəciş kardəş nıbe. Əve həmə bəy Vəlişa mamu əvotin. Vəlişa mamu ıştən texniki sənəti ustoən bıbu, bə şeeriyati, muğami ve dətaspedəbe. Tolışstonədə jəqo qıləy odəm pəydo karde nəbi ki, Vəlişa mamu nəzıni. Vəlişa mamu Tolışi ıştən bey. Tolışi bə ıştə vir vardəkəs, Vəlişa mamu əvındi. Isət çe həmə tolışon sipriş Vəloişa mamu ıştə dınyoş ovaxte. Xıdo əy rəhmət bıko, vırəş vəyşt bıbu.

Tolish Media