Ozobiconi iyən Rusiya Dağıstani marzi povəsə şəhərvandon bə Ozobicon vadoydənin. Ozobiconi şəhərvandon sərost dı manqe marzisə con doydən əvoni bə çe əvon kə haştənin. Jıqo çiy dınyo hiç qılə keşvəırədə bıə ni. Çoknəy bəbe ki, dınyo həmə keşvəron ıştə şəhərvandınoşon bə ıştə sərzəmin bardışone, iqlə Ozobicon omədə pesoxtə keşvər Rusiyaku omə şəhərvandon bə ıştə kə haştedəni. Oxo ımon jıqo bo çiçi kardedən?

Jıqo beşedə ki, çe ımon əğon dılışone Rusiya zəminə haboştənəti eğandon, əve bə əvonışon jıqo dəsturışon noəşone. Xıdo bıbırno Əliyevi , çe əy tobyə de jıqo kardə hukumətəti. Im çoknə hukuməte ki, ıştə şəhırvandon çəş vinde – vinde bə sıpə ruj nodə. Im oxo çoknəy hukuməte ki, ıştə şəhərvandon vəşiku kıştedə. Xıdo jıqo koroği hiç kəynə penıbəqəte. Əliyevon tobyə hukumət ıştən bə ıştə jiə pebəvışkiey. Xıdo bı ımon tu bıko, Xıdo bı ımon ləkə bıjəno, binim çoknəy jəşe!