Imruj çe Tolışon ənkə Babəki (Popok, pəpək) movardəruje. Babək iyulə manqi 1 – də 798 – nə sori bə dınyo çəşış oj kardəşe. Babək Cavidani bə Bızzəy ğələş vardəşe, bəyış ko aspardəşe. Babək de ıştə qıləvıjniəti, sərisofiəti de ıştə sərıştə kırt qılə vaxtədə nom bekardedə. Peş Cavidani marde Babək bə çe əy jeni kəxıvand bedə. Cavidani taxt bənəy vərəsə bəy rəsedə.

Babəki kom fayədə qəhrəman iyən sərdor bey tarixə nıvıştəşone. Əv de bəvədəyni Abbasi xəlifə rejimi canqış kardəşe. Babəki çe Əhli – Beyti havəri kəşe barədən xəyli nıvıştəyon hestin. Xorasani kitobxonədə həştminə İmomi bə Babəki nıvıştə nomə mandə. Babəki bə İmom Rza, jəqonəyən bə Əhli – Beyti yolə ğurbış bıəşe.
Xıdo bə çe əy kışte bais bıə Səhl İbn Sumbati iyən əy pıtıpoə kardə bəvədəyni Abbasi xəlifon tu bıko!

Tolish Media