Çı Ozobiconi sa-sa şəhrvandon 4 mange ki, çı Tırkiə sərhədi paliyo bıə Kars iyən İgdir şəhəronədən iyən bəştə vətəni ogarde çəş kardedən.

Çəvon miyonədə hamiləon, əğılon, piəmeedon, piəjenon, noxəşinə odəmon hestin.

Çı Ozobiconi şəhrvandon gıləyni votedə: “Əmə Ozobiconədə ko pəydo karde nıznəmone, bə çımi gorə bo puli ğəzənc karde ro bə Tırkiə omimon. Əmma martə mangədə bə de koronavirusi pandemiyə əloğədor karantini gorə xəyli odəmon ıştə koy ginışon karde. Əmə bə ğəror omimon bə Ozobicon ogarde, əmmə detobə ısət bə əmə icozə doedə nin bə kə ogarde. Çəmə pulon sə bedə iyə əmə zınedənimon çıç bıkəmon”.

Bə çəy sıxanon əsosi dovlət bəvon hiçən koməg kardedəni. Odəmon hıtəxonəonədə, umumiə mənzılonədə vırəbəvırə bıən, hətto kali ozobiconıjon parkonədə hıtedən.

Im vəzyəti həxədə çəmə muxbir Ozobiconi Xariciə Koon Vəzoratiku komentari se nızınışe.