Mıxolifətəvoni zoə koronavirusi pevılo kardeədə ittihom kardəşone
olishMedia informasiyə agentəti muxbir Boku şəhəriku xəbə doedə ki, Ozobiconi Milliə Cəbhə Partiyə rəyosəti heyəti uzv Məmməd İbrahimi zoə Mehdi İbrahimovi zidd de Cinoyəti Məcəllə 139.1.1 (karantini rejimi darışte nəticədə noxəşi pevılo karde) maddə cinoyəti ko bino bıə.
Bə pevılo bıə məlumoton əsosi, M. İbrahimov fizkultura miəllim iyən hakimə “Yeni Azərbaycan” hakimə partiya uzve. Əvışon de iyulə mangi 14-15 rujon mitingi angıl həbs kardəşone. Bə çəy pıə sıxanon əsosi, ıştə zoə kənoədə, çı metro stansiyə dəşəco paliyo mandə bə. Əvışon iyuli 15-də həbs kardə, iyən Xətai rayoni polisi şobə bardəşone iyən iyuli 21-ədə xəbə səşone ki çəy zidd cinoyəti ko rost kardə bıə.
Bə yod dəğandəmon ki, ım maddə 2500-5000 mənoti cəymə yaanki 3 sornə zindonə cəzo nəzərədə gətedə.
