TolishMedia informasiyə agentəti muxbir Boku şəhəriku xəbə doedə ki, çı Ozobiconi Xariciə Koon Vəzorəti 3 gılə əməkdoşon de rışvəxorəti, sui-istifodə iyən vəsoiti ıştənkini kardey ittihomon həbs kardə bən.

Bə pevılo bıə məlumoton əsosi, Ozobiconi XKV tenderi komitə sədr Fərhad Mollazadə, təzərufotə şobəy koon mudir Səlim Əlizadə iyən konsuləti idorəy konsuləti-huğuğə şobəy rəis Nurupaşa Abdullayev dystəğ kardə bən.

Bə Dovlətiə Betəhlukəti Xıdməti məlumoton əsosi, N. Abdullayevi vaxtbəvaxt xariciə dovləton şəhrvandonku rışvə səşe ki ə xariciə şəhrvandon bə Ozobicon dəşe icozə bıgəton.

Ğeyd bıkəmon ki, de ım koy angıl təyğaton bardə bedən.