TolishMedia informasiyə agentəti muxbir Boku şəhəriku xəbə doedə ki, Boku apellyasiya məhkəmə Ozobiconi Milliə Cəbhə Partiya (OMCP) təşkiloti şobəy uzv Elnur Yusubovi şikatış çəy innzibotiə həbsi həxədə rədd kardə.

Bə pevılo bıə məlumoton əsosi, Elnur Yusubov fik kardedə ki, ıştə həbs iyulə mangi 15-nə ruji etirozinə aksiyə bəpeştə bino bıə təzyığon iyən repressiyaon iglə hissəy. E. Yusubovi gıləy kamsinə kinəş heste iyən ğanun çım kategoriya şəxson inzibotiə həbs karde ğədəğən kardedə. Demi bə ico, məhkəməy çəy şikatış rədd kardə iyən Yusubovi vəkilon bə İnsoniə Huğuğon Avropə Məhkəmə mırociət karde fikədən.

Ğeyd bıkəmon ki, çı OMCP co 3 uzvon, Sərvan Cumayevi, Babək Muradovi iyən Yaşar Kərimovi şikatonən rədd kardə bən.